ෆ්‍රන්සුවා මොන්සාර්
පැරිසියේ උපන් මොන්සාර්, ජර්මෙයින් ෆෙදනියර් යටතේ ගෘහ නිර්මාණ ශිල්පය හදාළේ ය. ප්‍රංශයේ විචිත්‍රාකෘති ගෘහ නිර්මාණ සම්ප්‍රදායය දියුණු කරනු සඳහා විශේෂ සේවයක් කළ ඔහු, පැරිස් නගරයේ නිවාසවලට ආලෝකය සහ වාතාශ්‍රය ලැබීම සඳහා අලුත් ක්‍රම රාශියක් එක් කළේ ය. ඔහුගේ ශෛලිය අලංකාරයෙන් සහ රැලි සහිත රේඛාවලින් යුක්ත ය. ඔහුගේ මරණයෙන් අවුරුදු ගණනාවක් යන තුරුත්, 'මොන්සාර් පියැස්ස' හා සම්බන්ධ කොට හැඳින්වුන ද සැබැවින් ම එහි නිර්මාතෘවරයා මොන්සාර් නොවී ය. මොන්සාර්ගේ අට්ටාල සහ මුදුන් සහිත පියැසි ක්‍රමය පසු කාලයක දී වෙනස් විය. ඔහුගේ ප්‍රසිද්ධ කෘතීන් අතර Château de Balleroy, Temple du Marais, Château de Maisons සහ Church of the Val-de-Grâce නම් වූ ගොඩනැගිලි ප්‍රධාන තැන් ගනියි. පැරිසියේ දේවස්ථානයේ සැලසුම් පිළියෙළ කළේ මොහු ය. එහි මුදුන, මයිකල් ඇන්ජලෝ විසින් රෝමයේ ශාන්ත පීටර් දේවස්ථානයේ මුදුන බඳු ය. ලොඩේරා කෞතුකාගාරය වෙනුවෙන් ද මොන්සාර් සැලසුම් සකස් කළ ද එම සැලැස්මේ කිසි ම වෙනසක් කිරීමට ඔහු නොකැමැති වූයෙන් එය ක්‍රියාවට පරිවර්තනය නොවිණ.
(ඡායාරූපය: Val-de-Grâce දේවස්ථානය)
(කර්තෘ: අඥාතයි)
(සංස්කරණය නොකළ)
