මෙඝිය මහා තෙර

ගෞතම බුද්ධ ශාසනයෙහි අසූ මහා ශ්‍රාවක ගණයෙහි ලා සැලකෙන මුන් වහන්සේ කලක් බුදුන් ගේ පෞද්ගලික උපස්ථායක වශයෙන් ද ක්‍රියා කළහ.

'ක්‍රිමිකාලා' නම් ගං අසබඩ එක් පියකරු අඹවනයක් දුටු මේ තෙරණුවෝ එහි වසනු රිසි වුවහු, දෙවරක් ම බුදුන්ගෙන් ඒ සඳහා අවසර ඉල්ලූහ. තෙවනවර ඊට අවසරය ලැබිණි. එහෙත් උන්වහන්සේට එහි වූ කෘමීන් නිසා ඇති වූ කරදර හේතු කොට ගෙන භාවනාවට සිත එකඟ කර ගත නො හැකි විය. ඉන් පසු උන් වහන්සේ බුදුන් වෙත අවුත් ඒ බැව් දැන්වූහ. එවිට බුදුහු තෙරුන්ට අවවාද කළහ. ඒ අවවාදය කෙළවර උන්වහන්සේ රහත් වූහ. මෙඝිය සූත්‍රය නමින් දන්නා ලැබෙන්නේ ඒ අවවාදයයි.

(කර්තෘ: ජයන්ත විමලසේන:)

(සංස්කරණය නොකළ)