මේනකා

සමගි ලෝකවාසී ශ්‍රේෂ්ඨ අප්සරාවකි. ඇයගේ පියා කශ්‍යපය. මව ප්‍රාධාය. ඍග් වේදයෙහි සහ ශතපඨ බ්‍රාහ්මණයෙහි ඇය වෘෂණශ්වගේ දියණිය හැටියට හඳුන්වා ඇත. වෘෂණශ්වට මේන යන අපරනාමයක් ද ව්‍යවහාර විය. ඇයට මේනකා යන නම ඇති වූයේ එබැවිනි.

ඌර්‍ණයු නමැති ගන්ධර්‍වයා ඇයගේ වල්ලභයාය. ගන්ධර්‍ව රාජ විශ්වාවසුගෙන් ඇයට ලැබුණු දුව ප්‍රමද්වරා නම් වූවාය. ස්ථුල කෙශ ඍෂිවරයාගේ ආශ්‍රමයෙහි දී ප්‍රමද්වරාගේ උත්පත්තිය සිදු වූ ඇසිල්ලෙහි මේනකා තොමෝ ඇය එහි අත්හැර දමා ඉන් නික්ම ගියාය. ඇයගේ රූපලාව්‍යණ්‍යයෙන් මොහිත වූ පෘෂත රජු නිසා ඇයට ද්‍රැපද නමැති පුත්‍රයා ලැබුණේ ය. ඉන්ද්‍රයාගේ මෙහෙයීමෙන් විශ්වාමිත්‍රගේ තවුස් දම් බිඳීම කරන ලද්දේද මේනකා විසිනි. විශ්වාමිත්‍ර ගෙන් ඇයට ලැබුණු දුව ශකුන්තලාය. මේ හැර වධි්‍රයශ්ව නමැති ඇයගේ තවත් වල්ලභයකු ගැන සඳහන් වේ.

(කර්තෘ: ඩී.ආර්. සෙනෙවිරත්න)

(සංස්කරණය නොකළ)