හර්බර්ට් ස්ටැන්ලි මොරිසන්
සිංහල විශ්වකෝෂය වෙතින්
21:12, 12 ජූලි 2024 වන විට Senasinghe (කතාබහ | දායකත්ව) විසින් සිදු කර ඇති සංශෝධන
(1888-1965). (Herbert Stanley Morrison). බ්‍රිතාන්‍යයේ කම්කරු පක්ෂ නායකයෙකි. පණිවිඩකරුවකු මෙන් ද පුවත්පත් කළමනාකරුවකු මෙන් ද ජීවිකා වෘත්තියෙහි යෙදුණු මොරිසන් එංගලන්තයේ ප්‍රබල කම්කරු නායක ඔහු බ්‍රිස්ටන් නුවර දී මෙලොව එළිය දිටී. පියා ලන්ඩන් නුවර පොලිස් භටයෙකි. කුඩා කාලයේ සිට ම ඔහු සමාජවාදය කෙරෙහි විශේෂ සැලකිල්ලක් දක්වන්නට විය. විටින් විට ලේබර් පාක්ෂික පත්‍ර සඟරාවලට ලිපි ද සම්පාදනය කළේ ය. ඔහු දේශපාලන භූමියට අවතීර්ණ වූයේ 1920 දී ලන්ඩන්හි හැක්නී නගරාධිපතිවරයා ලෙස තෝරා ගනු ලැබීමෙනි. ඉන්පසු ලන්ඩන් කෞන්ට් කවුන්සිලයේ මන්ත්‍රීවරයකු ලෙස ද පාර්ලිමේන්තුවේ මන්ත්‍රීවරයකු ලෙස ද තෝරා පත් කරගනු ලැබී ය. 1928 දී හෙතෙම ජාතික කම්කරු පක්ෂයේ සභාපතිවරයා විය. දේශපාලනඥයකු වශයෙන් මොරිසන්ගේ කීර්තිය වඩා වඩා පැතිරෙන්නට වූයේ 1929 සිට 1931 දක්වා වූ කාලය තුළ කම්කරු ආණ්ඩුවේ ගමනාගමන ඇමතිවරයා ලෙස සේවය කළ වකවානුවේ දී ය. අගමැති වින්ස්ටන් චර්චිල් විසින් 1940 දී පිහිටුවන ලද ආණ්ඩුවේ සම්පාදන ඇමැති ධුරයට පත් කරනු ලැබූ ඔහු චර්චිල් යුද්ධ අමාත්‍ය මණ්ඩලයේ දී ප්‍රබල සාමාජිකයෙක් විය. 1945 බ්‍රිතාන්‍ය මහා මැතිවරණයේ දී කම්කරු පක්ෂයට ජය අත්වීමෙන් පසු මොරිසන් මහජන මන්ත්‍රී මණ්ඩලයේ කම්කරු නායකයා වී උපඅගමැති තනතුර ද ලැබී ය.
(කර්තෘ: අඥාතයි)
(සංස්කරණය නොකළ)
