අලුත්ගම-1
ලංකාවේ කළුතර දිස්ත්‍රික්කයේ කොළඹට සැතපුම් 38ක් දකුණින් වෙරළබඩ පිහිටි කුඩා නගරයකි. දකුණු සහ බටහිර පළාත්වල මායිම වශයෙන් පවතින බෙන්තොට ගඟ මුහුදට ගලා බසින්නේ අලුත්ගමිනි. කොළඹ ගාලුපාරේ පිහිටි මෙහි සිට‚ රට අභ්‍යන්තරයෙහි ඇති ඇල්පිටිය, මොරගල, බදුරලිය, අගලවත්ත, මතුගම ආදි වතුකර නගර කරා මාර්ග වැටී තිබේ. අලුත්ගම දුම්රිය මධ්‍යස්ථානයක් ද වෙයි. පෘතුගීසි ඕලන්ද යුගවල දී මේ පෙදෙස එහි වැසි මුස්ලිම් මිනිසුන් වෙළෙඳාම් කටයුතු මහත් දියුණුවෙන් කරගෙන යද්දී අතිශයින් දියුණුව පැවතිණ. අලුත්ගම නිරිත දිග වෙරළේ මස් මරන ප්‍රධාන තොටක් ද වේ. මේ වෙරළේ මුහුදු කෑම ඉතා දැඩි වුව ද බෙන්තොට ගඟේ මෝය ඉදිරිපිට තැන්පත් වී තිබෙන වැලි කඳු නිසා අලුත්ගම වෙරළ ආරක්ෂා වී තිබේ. ප්‍රදේශයේ ප්‍රධාන වැවිල්ල පොල් ය. අවට ප්‍රදේශයේ වී, රබර් සහ කුරුඳු වවති. සුළු නගර සභාවක් මඟින් පාලනය වන අලුත්ගම ජනගහනය (1958) 7,100කි.
(සංස්කරණය: 1965)
