අල් නුවේරි
(1279–1332). මිසර (අරාබි) ජාතික ඉතිහාසඥයෙකි. කයිරෝ නුවර රාජ්‍ය නිලධාරියකුගේ පුතකු වූ හෙතෙමේ අල්-මාලික් අල්-නාසිර් කාලිප්වරයා යටතේ උසස් තනතුරු කීපයක් දැරීය. ඔහුට විශේෂ කීර්තිය ගෙන දුන්නේ, විසිවසරකට නොඅඩු කාලයක් වෙහෙස ගෙන ඔහු සම්පාදනය කළ 'නිහායාත් අල්-අරබ් පී පුනුන් අල්-අදබ්' නමැති අතිවිශාල කෝෂ ග්‍රන්ථයයි. එය ප්‍රධාන කොටස් (ෆාත්) පසකින් යුක්තය. එක් කොටසක් පරිච්ජේද (අබ්වාබ්) වලට බෙදන ලද අනු කොටස් (කිස්ම්) පහකින් ද යුක්ත විය. එය එකී කොටස් අනුව දිව්‍ය ලෝකය සහ පොළොව, මනුෂ්‍ය සංහතිය, වෘක්ෂලතාදිය සහ ඉතිහාසය යන විෂයවලට වෙන්වී පවතී. මුස්ලිම් ඉතිහාසය දක්වන පස්වැන්නෙහි අවසන් අනු කොටස මුළු කෘතියෙන් අඩක් පමණ වන්නේ, මුද්‍රිත පිටු 9,000කට පමණ සීමාව පවතී. මේ කෘතිය මූලික ග්‍රන්ථයක් නොවන බව පවසන කර්තෘවරයා සමකාලීන ග්‍රන්ථවලින් කරුණු උපුටා ගත් බව ද සඳහන් කරයි.
(සංස්කරණය: 1965)
