ආයුර්වේද ව්‍යාකරණය
සිංහල විශ්වකෝෂය වෙතින්
15:31, 3 දෙසැම්බර් 2024 වන විට Senasinghe (කතාබහ | දායකත්ව) ('ආයුර්වේද ව්‍යාකරණය වනාහි ආත්‍රෙය සංහිතා, ධන්...' යොදමින් නව පිටුවක් තනන ලදි) විසින් සිදු කර ඇති සංශෝධන
ආයුර්වේද ව්‍යාකරණය වනාහි ආත්‍රෙය සංහිතා, ධන්වන්තරි සංහිතා, සුශ්‍රැත සංහිතා, චරක සංහිතා, අෂ්ටාඞ්ග හෘදය සංහිතා, භාවප්‍රකාශ, රසරත්නාකර, රසෙන්ද්‍ර චින්තාමණි, වෘහත් නිඝණ්ඩු රත්නාකර, රසෙන්ද්‍ර සංග්‍රහ ආදි ග්‍රන්ථ රාශියකින් කරුණු උපුටා ලියන ලද සංග්‍රහ ග්‍රන්ථයකි. ආයුර්වේදය පිළිබඳව දත මනා වැදගත් කරුණු මෙහි ප්‍රකාශිත හෙයින් මේ පොතට මේ නම යොදන ලදැයි හැඟෙයි.
ක්‍රි.ව. 1907 වැන්නෙහි මේ ග්‍රන්ථය ලියන ලද්දේ සියම් දේශාධිපති මහ රජතුමාගේ රාජ වෛද්‍යවරයකුව සිටි ජේ.ඕ.ඇම්. ඔබේසේකර රාජ වෛද්‍යවරයා විසින්ය. මේ අගනා ආයුර්වේද ග්‍රන්ථය පිළිගන්වන ලද්දේ ද සියම් මහ රජතුමාටය.
චරක, සුශ්‍රැත ආදී මූලික ග්‍රන්ථවලින් දතමනා වැදගත් විෂයයන් මේ පොතෙන් අවබෝධ කර ගත හැකිය.
(සංස්කරණය: 1965)
