ආල්කාසාර්

ස්පාඤ්ඤයේ මුවර් (ඉස්ලාමික) රාජ්‍ය පාලකයන් විසින් තනවන ලද මාළිග විශේෂයකි. බොහෝවිට ප්‍රාකාරයන්ගෙන් වට වූ ආල්කාසාර් මාළිග බලකොටුවක ආකාරය ඉසිලීය. අල්හම්බ්‍රා මාළිගය (බ.) මේ පිළිබඳ විශිෂ්ට නිදර්ශනයකි. සෙවිල්හි තනවන ලද ආල්කාසාර් මාළිගය වැදගත්කමින් හා අලංකාරයෙන් දෙවැනි වනුයේ අල්හම්බ්‍රා මාළිගයට පමණි. ආල්කාසාර් මාළිගය රෝමවරුන්ගේ හා මුවර්වරුන්ගේ සුප්‍රසිද්ධ බලකොටුවක් වූ තොලේදෝ (බ.) නගරයේ උස ම කඳු මුදුනෙහි පිහිටියේය. 1936 දී ඇති වූ ස්පාඤ්ඤ කැරැල්ලේ දී මෙය විනාශයට පත්විණි.

(සංස්කරණය: 1965)