ආල්බූලා දුර්ගය

ආල්බූලා දුර්ගය ස්විට්සර්ලන්තයේ ග්‍රීසොං පළාතේ රීෂන්-ඇල්ප්ස් කඳු වැටියෙහි පිහිටියේය. මුහුදු මට්ටමේ සිට අඩි 7,595ක් ඉහළින් වූ මෙය ග්රැනිට්වලින් සහ හුනුගල්වලින් වට වූ වගුරු බිම් සහිත සානුවක් හරහා වැටී ඇත. ආල්බූලා නම් වූ ගඟ ද මේ සානුවෙන් පටන් ගනී. 13 වැනි ශතවර්ෂයේ දී පවා ප්‍රයෝජනයට ගැනුණු මේ දුර්ගය ඔස්සේ 1865 දී කරත්ත පාරක් ද තනන ලදි. ශූල්යේ (Julier) දුර්ගය (අඩි 7,504) ඔස්සේ වූ මාර්ගය මීට වඩා පහසු වූයෙන් මේ දුර්ගය වැඩි ප්‍රයෝජනයට නොගනු ලැබීය. 1903 දී ක්වාර් (Coire) නගරයේ සිට ඉහළ එංගඩීන් ප්‍රදේශය දක්වා දුම්රිය මාර්ගය ආල්බූලා දුර්ගය ඔස්සේ වැටුණු පසු මෙහි වැදගත්කම වැඩි විය. මුහුදු මට්ටමේ සිට ඉතා ම උසින් පිහිටි යුරෝපීය දුම්රිය මාර්ගය වූ මෙය හැ. 3,2/3ක් පමණ දික් වූ බිම් ගෙයක් තුළින් වැටී තිබේ.

(සංස්කරණය: 1965)