ඇගැමෙම්නෝන්
සිංහල විශ්වකෝෂය වෙතින්
16:10, 7 මැයි 2025 වන විට Senasinghe (කතාබහ | දායකත්ව) ('ග්රීක පුරාකථාවන්හි එන මයිසීනි රාජ්යයේ ඒට්...' යොදමින් නව පිටුවක් තනන ලදි) විසින් සිදු කර ඇති සංශෝධන
ග්රීක පුරාකථාවන්හි එන මයිසීනි රාජ්යයේ ඒට්රීයස් රජුගේ පුත්රයායි; මෙනලේයස්ගේ (බ.) සහෝදරයායි.
පැරිස් නම් ට්රෝජන් කුමරා විසින් පැහැරගෙන යනු ලැබූ හෙලන් (බ.) කුමරිය ආපසු ලබාගැනීම පිණිස ට්රෝයි රාජ්යය බලා පිටත් වූ යුද සේනාවේ මහ සෙන්පතියා වූයේ ඇගැමෙම්නෝන්ය.
ග්රීකයන් ට්රෝයි රාජ්යය විනාශ කොට ජය අත්පත් කොටගැනීමෙන් පසු ට්රෝජන් රජුගේ දුවක වූ කැසැන්ඩ්රා කුමරිය ඇගැමෙම්නෝන්ට අත් වූවාය. ඇය සමඟ පෙරළා මයිසීනි රාජ්යයට පැමිණි ඇගැමෙම්නෝන් ඔහුගේ භාර්යාව වූ ක්ලයිටම්නෙස්ට්රාත් ඇගේ සොර සැමියා වූ ඊජිස්තස් නමැත්තාත් විසින් ජීවිතක්ෂයට පත් කරන ලදි. පසුව ඇගැමෙම්නෝන් පුත් ඕරෙස්ටීස්, සිය මව සහ ඊජිස්තස් ද මරා, පියා මැරීමේ පළිය ගත්තේය.
(සංස්කරණය: 1967)
