ඉන්ද්රජාල ශාස්ත්රය
(ඇස්බැන්දුම්, මායා කර්මය). ඉන්ද්රියයන්ගේ ආවරණය ඇති කරන ශාස්ත්රය ඉන්ද්රජාල ශාස්ත්රය නම් වේ. ඉන්ද්රියයන්ගේ ආවරණය නම් ඇස, කන, දිව, නාසය, කය යන පස පිළිබඳව පවත්නා ප්රකෘති ශක්තිය වැසීමයි. ඉන්ද්රජාල ශාස්ත්රයේ දැක්වෙන ඖෂධ යෝගාදියේ හෝ මන්ත්රාදියේ බලයෙන් ඇසේ ප්රකෘති ශක්තිය වැසීමෙන් හෝ වැළැක්වීමෙන් ගොඩබිම ජලය වශයෙන් ද ජලය ගොඩබිම වශයෙන් ද එකට එක ඇලීම ඈත් වීමක් වශයෙන් ද එකිනෙක ඈත් වීම ගැටීමක් වශයෙන් ද දැක්වීමටත් සාමාන්ය දෑසට පෙනෙන දෙයක් නොපෙනී යාමටත් නැති දෙයක් ඇති කර පෙන්වීමටත් පුළුවනැයි කියත්. මෙපරිද්දෙන් ම කනේ ප්රකෘති ශක්තිය වළක්වා යම්කිසි ශබ්දයක් නොපවත්නා කල්හි ශබ්දයක් ඇත්තාක් මෙන් ඇසෙන්නට සලස්සාලිය හැක්කේල. අවශේෂ ඉන්ද්රියයන්ගේ ශක්ති ආවරණය ද මෙම නයින් සලකාගන්නේය. සියලු ඉන්ද්රජාල කර්මයෙහි රක්ෂාමන්ත්රය ය, මහාමන්ත්රය යි මන්ත්ර දෙකක් 108 වර බැගින් ජප කැරේ.
මේ අද්භූත ශාස්ත්රය පිළිබඳ වැඩි විස්තර දත්තාත්රෙය තන්ත්ර, ඉන්ද්රජාල තන්ත්ර සංග්රහ, ඉන්ද්රජාල විද්යා සංග්රහ ආදි ග්රන්ථවලින් බලාගත යුතුයි.
(සංස්කරණය: 1970)
