ඊසාක්
බයිබලයේ පරණ තෙස්තමේන්තුවෙහි සඳහන් පරිදි හේබ්රෙව් ජාතිකයන්ගේ දෙවන ආදි කුලදෙටුවාය. ප්රථම ශ්රෙෂ්ඨ කුලදෙටු ආබ්රහම්ගේ පුත් මෙතෙම ඒසව්ගේත් තෙවන කුලදෙටු යාකොබ්ගේත් පියාය. ඊසාක් උපදින විට ඔහුගේ දෙමාපිය ආබ්රහම්ට හා සාරාට පිළිවෙළින් වයස සියය හා අනූව පිරී තිබිණි. මෙතරම් වෘද්ධ වියේ දී දරුවකු ලැබෙන බව දෙවියන්වහන්සේ කී විට ආබ්රහම් හා සාරා සිනා පහළ කළ හෙයින් දෙවියන්වහන්සේගේ අණ පරිදි ඔවුහු සිය පුතුට (සිනහව හෙවත් හාස්යය යන අර්ථවත්) ඊසාක් යන නම තැබූහ.
ආබ්රහම් දෙවියන්වහන්සේ කෙරෙහි වූ තම අචල භක්තිය ඔප්පු කර දැක්වීමට සිය පුතු දවන පූජාවක් සඳහා මරන්නට පිහිය ඔසවද්දී දේව නියමයෙන් පැමිණි දේවදූතයකු විසින් පූජාව වළකන ලදි.
ඊසාක් ධාන්ය වැපුරූ වග කියවෙන පුවතින් (උත්පත්ති කථාව xxvi, 12) මිනිසා සංචාරක ජීවිතයෙන් අර්ධ සංචාරක සංස්කෘතිය කරා පිය නැඟීම පිළිබිඹු වන්නේය.
(සංස්කරණය: 1970)
