ඊජියන් දූපත්

ඊජියන් දූපත් නමින් හැඳින්වෙන්නේ ඊජියන් මුහුදේ පිහිටි ඩොඩෙකනීස්, සික්ලඩීස්, ලෙස්බොස්, සේමොස් හා කීයොස් ප්‍රමුඛ දූපත් සමූහයයි. මෙම ප්‍රධාන දූපත් පමණක් ව.සැ. 3,505ක් විශාලය. ජනගහනය (1961) 477,476කි. යමහල් ක්‍රියාකාරිත්වය හා භූචලන හේතුකොටගෙන නිර්මාණය වී ඇති මේ දූපත් කඳුකර ස්වභාවයක් දරයි. මුහුද අද්දර ප්‍රපාතාකාර කඳු බෑවුම් බොහෝයි. ඉඳහිට ඇති වෙරළාශ්‍රිත තැනිතලාවන්හි මිදි, තිරිඟු ආදි මධ්‍යධරණී ගොවිතැන් කෙරේ. මෙම දූපත්වල කිරිගරුඬ හා කාර්මික වශයෙන් වැදගත් පස් හා මැටි වර්ග හාරා ගනු ලැබේ. දේශපාලන වශයෙන් ඊජියන් දූපත් ග්‍රීසියේ කොටසකි.

මේ දූපත් අතුරින් බොහොමයක් ම ග්‍රීක ඉතිහාසයේ හා පුරාවෘත්තයන්හි වැදගත් තැනක් ගනී. ආදිතම යුරෝපීය ශිෂ්ටාචාරයේ මධ්‍යස්ථානය වූයේ ද මේ පෙදෙසයි.

(සංස්කරණය: 1970)