ඇත්වැරැල්ල
(Tree ferns). මීවන (පර්ණාංග) බොහොමයක් කුඩා අකාෂ්ඨිය පැළෑටිය. සමහරක් තරමක් විශාල කාෂ්ඨිය ගස්ය. කාෂ්ඨිය ගස්මිවනවලට ඇත්වැරැල්ල යයි කියති. මේවායින් වැඩි කොටසක් නිවර්තන ප්රදේශවල හමු වේ. ලංකාවේ ඇත්වැරැල්ල ඇත්තේ තෙත් කලාපයට අයත් මූකළාන්වල පමණකි. නුවරඑළිය දිස්ත්රික්කයෙහි සහ මැද කඳුකර පළාත්වල විශාල ඇත්වැරැල්ල විශේෂ වැවේ.
සියාතෙයා (අම්ෆිකොස්මියා) වෝකරෙ, සියාතෙයා (අල්සොෆිලා) ක්රිනිටා, ගිම්නොස්ෆෙයිරා ගිගන්ටෙයා (අල්සොෆිලා ග්ල්බ්රා) ආදිය විශාල කොළ ද ඍජු කඳන් ද සහිත ගස් මීවනවලට නිදසුන්ය. අඩි 30ක් පමණ උස ඇති සියාතෙයා ක්රිනිටා නුවරඑළිය දිස්ත්රික්කයේ බහුල ලෙස වැඩේ. ගිම්නොස්ෆෙයිරා ගිගන්ටෙයා හමු වන්නේ මැද කදුකර ප්රදේශවලය. සරල කොළ ඇති ස්කයිසොකෙයිනා සිනුවාටා සහ පක්ෂවත් කොළ ඇති ස්කයිසොකෙයිනා (සියාතෙයා) හුකෙරි නමැති පාතරට තෙත් මූකළාන්වල පමණක් වැඩෙන කුඩා ඇත්වැරැල්ල විශේෂ දෙක ඇත්තේ ලංකාවේ පමණකි.
නවසීලන්තයේ සහ පොලිනීසියාවේ වැඩෙන අලංකාර ඇත්වැරැල්ල විශේෂයක් නම් සියාතෙයා මෙඩුලාරිස්ය. නානු සහිත වූ සව් වැනි මොළොක් ද්රවයක් එහි කඳෙහි අඩංගු වේ. බොහෝ දෙනා මෙම ද්රව්ය ආහාර කොටගනිති.
(සංස්කරණය: 1967)
