ඇන්ටිකොස්ටි දූපත
නැගෙනහිර කැනඩාවේ ක්විබෙක් පළාතේ සාන්ත ලෝරන්ස් බොක්කේ පිහිටා තිබෙන දිවයිනකි. දිගින් සැ. 135ක් හා පළලින් සැ. 45ක් වූ මෙහි වර්ග ප්රමාණය ව.සැ. 3,145කි.
ගල් පර්වත බහුල දිවයිනක් වූ මෙහි දේශගුණය රළුය. පැ. 57°කට අඩු සාමාන්ය උෂ්ණත්වයකින් යුත් මෙහි ග්රීෂ්ම ඍතුවෙහි දී පවා තුහින බහුලය. කෘෂිකර්මය කෙරෙන්නේ මඳ වශයෙනි. මෙහි සරු කැළෑවල අගනා ලොම් සහිත සත්වයෝ වෙසෙත්. අවට මුහුද සැමන්, ට්රෞට්, කොඩ් සහ හෙරිං යන මත්ස්යයන්ගෙන් ගහනය.
1534 දී කාර්ටියේ (Cartier) විසින් සොයා ගන්නා ලද්දාවූ ද 1763 දී ප්රංසය විසින් බ්රිතාන්යයට පවරා දෙන ලද්දාවූ ද මෙම දූපත 1774 දී කැනඩාවට අයත් විය. 1895 දී දිවයින සහ එහි ධීවර කටයුතු ප්රංස ජාතිකයකු විසින් බද්දට ගන්නා ලදි. දිවයිනේ අයිතිය 1926 දී මොන්ට්රියෝල්හි කඩදාසි සංයුක්ත මණ්ඩලය අතට මාරු වී ගියේය. ජනගහනය (1956) 856කි.
(සංස්කරණය: 1967)
