උඩුවිල්

යාපනේ අර්ධද්වීපයෙහි උතුරු වලිකාමම් ආදායම් පාලක කොට්ඨාසයෙහි දියුණු ගමක් ද ගම්සභා ප්‍රදේශයක් ද පාර්ලිමේන්තු ඡන්ද කොට්ඨාසයක් ද මෙනමින් හැඳින්වේ. උඩුවිල් ග්‍රාමයට යාපනයේ සිට දුර සැතපුම් හයක් පමණ වේ. දකුණු ඉන්දියානු ක්‍රිස්තියානි සංගමය මඟින් 1824 දී මෙහි පිහිටුවන ලද උඩුවිල් කාන්තා විදුහල යාපනේ ප්‍රදේශයෙහි දියුණු ප්‍රසිද්ධ අධ්‍යාපන ආයතනයකි. උඩුවිල් ගමෙන් කොටසක් චුන්නාකම් සුළු නගරසභා ප්‍රදේශයට ද සෙසු කොටස උඩුවිල් ගම්සභා ප්‍රදේශයට ද අයත් වේ. උඩුවිල් ගම්සභා ප්‍රදේශය ගම්සභා ඡන්ද කොට්ඨාස දහයකින් සැදී ඇත. උඩුවිල් මැතිවරණ කොට්ඨාසය ප්‍රථම වරට බෙදා වෙන් කරන ලද්දේ 1960 දීය. එවකට එහි ඡන්දදායකයන්ගේ සම්පූර්ණ ගණන 32,882ක් විය.

(සංස්කරණය: 1970)