උනිච්චායි වැව

මඩකලපුවට සැ. 12ක් පමණ වයඹ දිගින් පිහිටි වැවකි. පැරණි රෝහණ ප්‍රදේශයේ වූ විශාල වැව්වලින් එකක් ලෙස මෙය සැලකේ. පෙර කුමන නමකින් මෙය හැඳින්විණි දැයි සොයාගෙන නැත. නටබුන්ව පැවති මෙම වැව ප්‍රතිසංස්කරණය කර නිම කරන ලද්දේ 1919 දීය. අඩි 5,500ක් දිග වෑකණ්ඩියකින් යුත් මෙය සම්පුර්ණයෙන් පිරුණු කල්හි අක්කර 2,260ක් විශාල ප්‍රදේශයක් වසා සිටී. මෙහි ධාරිතාව අක්කර අඩි 25,760කි. ප්‍රධාන වශයෙන් මගලවටවන් ආරු ගඟින් මේ වැව පෝෂණය වේ. වැවේ දකුණු දිගින් හා බටහිර දිගින් නුවරගල රක්ෂිත වන ප්‍රදේශය පිහිටියේය.

(සංස්කරණය: 1970)