උපශුන්‍ය

ක්‍රි.ව. 500-570 පමණ කාලයට අයත් බෞද්ධාචාර්‍ය්‍ය කෙනෙකි. උද්‍යාන දේශයේ රජුගේ පුත්‍ර වූ උපශූන්‍ය තමාට හිමි වූ රාජ්‍ය සම්පත්තිය හැරපියා පැවිදි බිමට පැමිණියේය. ක්‍රි.ව. 538 දී පමණ චීනයට ගිය ඔහු නැගෙනහිර ‘වෙයි’ රාජ පරම්පරාවේ අගනුවර ජීවත් වෙමින් මහායාන බෞද්ධ ග්‍රන්ථ චීන බසට නැඟුවේය.

ක්‍රි.ව. 545 දී දකුණු දිග නැංකින් නුවරට පැමිණ එහි දී තවත් ග්‍රන්ථ චීන බසට පරිවර්තනය කළ හෙතෙම වෙයි රජ පරපුර අවසන් වී ඛාන් රාජ පරම්පරාව බලයට පැමිණි අවධියෙහි දී ද මෙම පරිවර්තන කාර්‍ය්‍යයෙහි යෙදිණ. විමලකීර්ති නිර්දේශ, සුවික්‍රාන්ත වික්‍රමණ පරිපෘච්ඡා යන ග්‍රන්ථ ඔහු චීන බසට පෙරළුැ පොත් අතර වෙයි.

(සංස්කරණය: 1970)