අබ්දුල් අසීස්

(1830 – 1876). 1861 සිට 1876 දක්වා තුර්කිය පාලනය කළ ඔටෝමන් සුල්තාන්වරයාය. සුල්තාන් මහමුද් II ගේ දෙවන පුත්‍රයාය. අබ්දුල් අසීස් තම වැඩිමහලු සොහොයුරු සුල්තාන් අබ්දුල් මජීද්ගෙන් පසුව සුල්තාන් පදවියට පත්විය. ඒකාධිපතියෙකු වූ මෙතෙමේ දක්ෂ පාලකයෙක් නොවීය. ඔහුගේ ඒකාධිපති ප්‍රතිපත්තීන් නිසා රට වැසියෝ ඔහුට විරුද්ධව නැගී සිටියහ. එහි ප්‍රතිඵලය වූයේ ක්‍රි.ව.1876 මැයි මාසයේ 29 වනදා ඔහු සුල්තාන් තනතුරෙන් පහ කරනු ලැබීමය. ඊට දින හතරකට පසු ඔහු සිය පණ හානි කරගත් බව කියති.

(සංස්කරණය:1963)