ඉමාත්‍රා

නැගෙනහිර ෆින්ලන්තයේ, හෙල්සින්කි නගරයට සැතපුම් 150ක් පමණ ඊසාන දිගින්, වුවොක්සි (Vuoksi) ගඟේ පිහිටි දියඇලි පන්තියකි. ෆින්ලන්තයේ සයිමා (Saimaa) විලේ සිට රුසියානු ලැඩෝගා (Ladoga) විල දක්වා ගලන වුවොක්සි ගඟ සැතැපුමක් පමණ දුරක දී අඩි 60ක් පමණ පහළට ගලාබස්නා මාර්ගයෙහි පිහිටි මෙම දියඇලි ආශ්‍රිතව වේලි ආදිය ඉදි කර අශ්ව බල 15,000ක් පමණ ජනනය කරන ජල විදුලිබල මධ්‍යස්ථානයක් පිහිටුවා ඇත. හෙල්සින්කි නගරයට ද මෙම ස්ථානයෙන් විදුලිබලය සපයනු ලැබේ. සංචාරක මධ්‍යස්ථානයක් වශයෙන් ද මෙම දියඇලි ඉතා ප්‍රසිද්ධය.

(සංස්කරණය: 1970)