ඒකනාළ බමුණුගම

බ්‍රාහ්මණ ග්‍රාමයක් වූ මෙය රජගහ නුවරට දකුණින් පිහිටියේය. දක්ඛිණගිරි විහාරය පිහිටියේ මෙම ගමට ආසන්නවය. මහාවග්ගයට අනුව බිම්බිසාර රජුට අයත්ව තිබුණු ගම් අසූ දහසින් ඒකනාළ ගම ද එකකි. කසීභාරද්වාජ බ්‍රාහ්මණයා උපත ලැබුවේ ද මෙහිය.

බුද්ධත්වයෙන් එකොළොස්වන වස මෙගමට වැඩම කළ ගෞතම බුදුන් වහන්සේ යථෝක්ත බ්‍රාහ්මණයාට දහම් දෙසීමෙන් පසු ඔහු බුදුන් සරණ ගිය බැව් බෞද්ධ සාහිත්‍යයෙහි සඳහන්ය.

(සංස්කරණය: 1974)