ඔකා

(අකා). වොල්ගා ගඟෙහි ප්‍රධාන අතු ගංගාවකි. මොස්කව් නගරයට දකුණු දෙසින් පිහිටි කුර්ස්ක් ප්‍රදේශයෙන් පටන් ගන්නා ඔකා ගඟ මධ්‍යම රුසියන් සානුව ඔස්සේ ගලා ගොස් ගෝර්කිහි දී වොල්ගා ගඟට එක් වේ. සැතැපුම් 955ක් පමණ දික් වූ මෙම ගඟෙහි ජලවහන ප්‍රදේශය වර්ග සැතැපුම් 95,000ක් පමණ වේ. මොස්ක්වා හා ක්ලියාස්මා ද සුෂා, උපා, ප්‍රෝන්යා හා මෝක්ෂා ද ඔකා ගඟේ ප්‍රධාන අතු ගංගාය. ඉතා දියුණු කාර්මික නගර කීපයක් ම ඔකා නිම්නයෙහි ඇත. ගෝර්කිහි සිට ඔරෙල් දක්වා යාත්‍රා කළ හැකි මේ ගඟ ජල මාර්ගයක් වශයෙන් ඉතා වැදගත්ය. නොවැම්බර් සිට මාර්තු දක්වා කාලය තුළ දී ඔකා ගඟෙහි දිය මිදේ.

(සංස්කරණය: 1974)