ඔනෙගා

සෝවියට් රාජ්‍යයේ වයඹ දිග පිහිටි විලකි. ව.සැ. 3,765ක් පමණ වූ මෙය යුරෝපයේ පිහිටි විශාලතම විල් අතුරෙන් ලඩොගා විලට පමණක් දෙවැනි වේ. මේ විල අඩි 100 පටන් 410 දක්වා ගැඹුරුය. එහි වෙරළ සැතපුම් 872ක් පමණ දිගය. මේ විලේ දකුණු පෙදෙස ලෙනින්ග්රෑඩ් ප්‍රදේශය කරා විහිද තිබේ. ජනවාරි මාසයේ පටන් අප්‍රේල් මාසය දක්වා මෙය හිමෙන් වැසේ. ස්විර් ගංගාව මගින් මේ විලේ ජලය ලඩොගා විලට වැටේ. මෙහි දූපත් හා වරායවල් කීපයක් ද වේ. විලේ නිරිත දිග ප්‍රදේශයෙන් ලැබෙන පාෂාණ විශේෂය ගොඩනැඟිලි හා ස්මාරකයන් තැනීමට යෝග්‍යය. 1818 දී ඔනෙගා ඇළ කැපීමෙන් ස්විර් ගඟ විට්යිග්‍රා ගඟ හා ඒකාබද්ධ කොට වොල්ගා නදියට සම්බන්ධ කරන ලදි. මස් මැරීම, ආකර කර්මාන්තය හා දැව කර්මාන්තය විලේ ඉවුර අද්දර පදිංචිකාරයන්ගේ රැකීරක්ෂායි. මේ විල සුදු මුහුද බෝල්ටික් මුහුදට යා කරන ස්ටැලින් වාරිමාර්ග ක්‍රමයේ ද කොටසකි.

(සංස්කරණය: 1974)