ටවන්ටින්සුයු

(Tawantinsuyu). ඉන්කා (බ.) අධිරාජ්‍යය කෙචුවා (Quechua) බසින් හැඳින්වීමට භාවිත කෙරෙන නාමයයි. ‘එක්සත් වූ කොටස් හතර’ යන්නත් ‘ද්‍රව්‍ය හතරක් එකතු වූ කාණ්ඩය’ යන්නත් මෙහි අරුතයි. ‘ටව’ යනු හතර ය. ‘න්ටින්’ යනු ප්‍රත්‍යයකි. ‘සුයු’ යන්නෙන් ප්‍රදේශයක් හෝ පළාතක් හැඟවේ. මෙම නාමය ස්පාඤ්ඤ යටත්විජිතවාදීන් විසින් සාවද්‍ය ලෙස උසුරුවන ලදුව භාවිතයට ආ ‘ටහුවාටින්සුයෝ’ (Tahuatinsuyo) හා ‘ටහුවාටින්සුයු’ (Tahuatinsuyu) යන ව්‍යවහාර අද දක්වා භාවිතයේ පවතිනු දැකිය හැකි ය.

(කර්තෘ: රන්ජන දේවමිත්‍ර සේනාසිංහ)

(සංස්කරණය: 2019)