දිය පොකුරුවැන්න

පිහාටු ආකාර (filiform) පත්‍ර සහිත නිමග්න ජල ශාකයකි. ශ්‍රී ලංකාවේ බස්නාහිර හා මධ්‍යම පළාත්වල වැව්, පොකුණු හා තටාකවල දැකිය හැකි ය. දිගු, දුර්වල කඳන් සහිත ය. පත්‍ර දිගින් 7ජප ක් පළලින් 0.5ජප පමණ වේ. පත්‍රාග්‍රය උල් වී හෝ ඇතැම් විට සර්පිලාකාරව පිහිටයි. මොට දන්තුර පත්‍ර දාර සහිත ය. පත්‍ර පාදය කඳේ වෙලෙන පරිදි පිහිටා තිබේ. කඳේ කොටස් කැඩී යාමෙන් වර්ධක ප්‍රචාරණය සිදු වේ. ඉතා කුඩා සුදු හෝ ලා නිල් පැහැති පුෂ්ප සහිත ය. ඉතා විසිතුරු මත්ස්‍යාගාර ශාකයක් වන නමුදු මේ වනතුරු බහුල භාවිතයේ නැත. Nechamandra alternifolia යන උද්භිද විද්‍යාත්මක නාමයෙන් හැඳින්වේ. HYDROCHARI TACEAE නම් උද්භිද කුලයට අයත් ය.

(කර්තෘ: පී.ජී.ඩී. ප්‍රදීපා සේරසිංහ)

(සංස්කරණය නොකළ)