දූක්‍ෂ මාලය
ගමට රටට සේවයක් කරමින් සිටි ප්‍රභූවරයකුගේ මරණින් පසු ඇති වූ දුක් රැසක් පවසමින් ඉන් සැනසිල්ලක් ලබන මඟ පෙන්නා දීමට කළ කුඩා කවි පොතෙකි. ක්‍රි.ව. 1901 දී පළට පැමිණියේ ය. සුප්‍රසිද්ධ ධනවතකුව සිටි ඇන්.ඩී.පී. සිල්වාගේ මරණය නිසා පැමිණි දුකත් එදුක ඉවසා ගැනීමට බුද්ධ ධර්මානුකූල මෙනෙහි කළ යුතු වූ කරුණු මෙයින් කියැවී තිබේ. ඉන් එක් කවෙකි මේ.
“සකල සතන් වෙත මරුවා අවුදින් ජීවන රස උරලා ගනිති
විපුල බලෙන් ඔහු මර්දන කරනට කිසිම හපන් කෙනෙකුන් නෙවොති
උදුල පිනෙන් වැඩුනෝතින් හැකි වෙති මරු ඔද බිදිනට නිවන ගති
නිමල නිවන් වන් අය මරුවාගෙන් නිදහස් බව මුනිසඳ කියති”
කාව්‍ය තත්ත්වය මෙයින් වටහා ගත යුතු ය. කාව්‍ය කර්තෘ වෛද්‍යාචාර්ය ඒ.පී. එදිරිසිංහ නමැත්තෙකි. කවි 132කින් පොත නිම වී තිබේ. විසි වන සියවස ආරම්භ අපේ රටේත් සමාජයේත් භාෂාවේත් තතු සොයන්නන් හට මේ පොතින් ද පළ නොලැබිය හැකි නොවන්නේ ය.
(කර්තෘ: ඩී.සී. දිසානායක)
(සංස්කරණය නොකළ)
