සාන්ත ජෝර්ජ්

(St. George of the Cross). වීරයෙක් හැටියට ප්‍රසිද්ධ මොහු එංගලන්තයේ සාන්තුවරයා හැටියට ද පිළිගැනේ. එහෙත් සාන්ත ජෝජ් පිළිබඳ කථාව ජනප්‍රවාදයක් බව පෙනේ. සයවැනි ශතවර්ෂයේ විසූ තියෝඩෝසියස් (Theodosius) ඇන්ටොනයිස් (Antoninus) හා ආර්කුල්පස් (Areulphus) යන ලේඛකයන්ගේ වාර්තා අනුව ජෝර්ජ්ගේ ශුද්ධභූමිය ලිඩ්ඩා (Lydda) හෙවත් ඩියාස්පෝලිස් (Diaspolis) ය.

ක්‍රි.ව. 495හි ගෙලාසියස් (Gelasius) පාප්තුමා‌ගේ ආඥවක් අනුව ශාන්ත ජෝර්ජ් පිළිබඳ පුද පූජා රාශියක් එකල ව්‍යාප්ත වී තිබූ බව අනාවරණය වේ. මේ නිසා ශාන්ත ජෝර්ජ් ඓතිහාසික පුද්ගලයෙකු බව කතෝලික විශ්වකෝෂය පවසයි. සාන්ත ජෝර්ජ් පිළිබඳ පුද පූජා විධි ඉතා පැරණි හෙයින් ඒවා අනුසාරයෙන් ඓතිහාසික සාධක සොයා ගැනීම දුෂ්කර ය. ඇතැම් අය ශාන්ත ජෝර්ජ් ග්‍රීක පර්සියස් බව ද ක්‍රිස්තියානි සභාව ඔහු සාන්තුවරයෙකු කළ බව ද කියති.

ශාන්ත ජෝර්ජ් හා 'ඩ්‍රැගන්' මකරා නමැති බිහිසුණු සතා පිළිබඳ කථාවේ වැදගත් විස්තරයත් නැක්ස්ටන් විසින් පරිවර්තනය කරන ලද (Legenda Aura) යන ජනප්‍රවාදයේ කියවේ. දිනක් කුසපත් අනුව රජුගේ කුඩා දියණිය ඩ්‍රැගන් මකරාට බිළිදීමට ගෙන යද්දී අසුපිට පැමිණි ශාන්ත ජෝර්ජ් ඉදිරියට පැන බිහිසුණු මකරා නසාලී ය.

(කර්තෘ: නෙවිල් ගුණරත්න: 1977)

(සංස්කරණය නොකළ)