අනෝජා

සිංහල විශ්වකෝෂය වෙතින්
09:20, 20 ජූනි 2023 වන විට Senasinghe (කතාබහ | දායකත්ව) ('දඹදිව කුක්කුටවතී නුවර මහා කප්පින රජ්ජුරුවන්ග...' යොදමින් නව පිටුවක් තනන ලදි) විසින් සිදු කර ඇති සංශෝධන

(වෙනස) ← පැරණි සංශෝධනය | වත්මන් සංශෝධනය (වෙනස) | නව සංශෝධනය → (වෙනස)
වෙත පනින්න: සංචලනය, සොයන්න

දඹදිව කුක්කුටවතී නුවර මහා කප්පින රජ්ජුරුවන්ගේ අගමෙහෙසිය අනෝජා දේවි නම් වූවාය. ඕතොමෝ මදුරට සාගල නුවර රජකුලයෙහි උපන්නීය.

පෙර කරන ලද කුශලකර්මයක විපාක වශයෙන් අනෝජා මල්දමක් සේ රන්වන් වූ ශරීරයක් ඇති හෙයින් මෝතොමෝ මේ නමින් පළවූවා යයි බෞද්ධ සාහිත්‍යයෙහි සඳහන් වෙයි. උයන් කෙළයට වදනා මහාකප්පින රජු තුනුරුවන් ලොවැ පහළ වූ පවත් අසා, ඒ බව දන්වා සිටි වෙළඳුන්ට තුන්දහසක් වස්තු දෙවා දහසක් ඇමැතියන් සමඟ අසුන් පිට නැඟී බුදුන් කරා ගිය කල්හි අනෝජා බිසව ද වෙළෙඳුට නවදහසක් වස්තු දී ඇමැතිබිරියන් දහසක් සමග රිය නැගී රජු අනුගමනය කෙරෙමින් බුදුන් කරා එළැඹියාය. එහි දී බුදුන්ගෙන් බණ අසා සෝවාන් වැ කතර ගෙවා සැවැත්නුවරට ගොස් මෙහෙණවරට වැද දහසක් ස්ත්‍රීන් හා පැවිදි වැ විදසුන් වඩා රහත් වූවාය.

(සංස්කරණය:1963)

"http://encyclopedia.gov.lk/si_encyclopedia/index.php?title=අනෝජා&oldid=1890" වෙතින් සම්ප්‍රවේශනය කෙරිණි