අවිස්සාවේල්ල

සිංහල විශ්වකෝෂය වෙතින්
13:26, 29 පෙබරවාරි 2024 වන විට Senasinghe (කතාබහ | දායකත්ව) ('අවිස්සාවේල්ල, බස්නාහිර පළාතේ නැගෙනහිර මායිමට...' යොදමින් නව පිටුවක් තනන ලදි) විසින් සිදු කර ඇති සංශෝධන

(වෙනස) ← පැරණි සංශෝධනය | වත්මන් සංශෝධනය (වෙනස) | නව සංශෝධනය → (වෙනස)
වෙත පනින්න: සංචලනය, සොයන්න

අවිස්සාවේල්ල, බස්නාහිර පළාතේ නැගෙනහිර මායිමට නුදුරුව හේවාගම් කෝරළයෙහි පිහිටි කුඩා නගරයකි. මෙය වර්ග සැතැපුම් 1,1/4ක් පමණ විශාලය. පළාත් ආණ්ඩු සභාවක් මගින් පාලනය වේ. කැලණි නිම්න දුම්රිය මාර්ගයේ නැවතුම්පළක් වන මෙය කොළඹ සිට දුම්රිය මාර්ගය ඔස්සේ සැතැප්ම 36ක් නැගෙනහිරින් පිහිටියේය. රත්නපුරය, කොළඹ, කෑගල්ල, නාවලපිටිය ආදි නගර සමඟ ප්‍රධාන මාර්ගවලින් සම්බන්ධ වී ඇති හෙයින් අවිස්සාවේල්ල සැලකිය යුතු නගරයක් වී තිබේ. කැලණි ගංගා නිම්නයේ දියළු පසින් සහ නයිස් පාෂාණ දිරායෑමෙන් ඇතිවී තිබෙන රතු පසින් ද යුත් ඉතා සාරවත් ප්‍රදේශයක් මේ අවට පවතී.එහි තේ සහ රබර් වතු බහුලය; සැපදායක කාලගුණයක් ඇත්තේය; ජනගහනය (1955) 3,195කි. අවිස්සාවේල්ල පුරාණ සීතාවක (බ.) රාජධානියට අයත්ය.

(සංස්කරණය: 1965)

"http://encyclopedia.gov.lk/si_encyclopedia/index.php?title=අවිස්සාවේල්ල&oldid=4937" වෙතින් සම්ප්‍රවේශනය කෙරිණි