"ධර්මානිසංසය" හි සංශෝධන අතර වෙනස්කම්

13:42, 26 අප්‍රේල් 2024 වන විට නවතම සංශෝධනය

මුද්‍රිත පිටු 12 කින් සමන්විත කුඩා ග්‍රන්ථයකි. 1908 වර්ෂයේ දී මුද්‍රිත මෙය සමකාලීන ව හෝ ඊට තදාසන්න සමයක හෝ ලියැවිණැයි සිතිය හැකි ය. එහි සවිස්තර ව දැක්වෙන්නේ ‘ධර්මපාල වස්තුව’ නම් වූ කතා පුවතකි. මේ මහා භද්‍ර කල්පයට කල්ප ලක්ෂයකට පෙර පියුමතුරා නම් බුදුරජාණන් වහන්සේගේ පිරිනිවීමෙන් පසු ව, එක් උවසුවකු සතුටු සිතින් බණ අසා, ධර්ම පූජාවක් කොට එහි ආනිසංස වශයෙන් ශක්‍ර සම්පත්, චක්‍රවර්තී රාජ සම්පත්, ප්‍රදේශ රාජ සම්පත් ආදිය ලැබ අනතුරු ව, අප ගෞතම බුද්ධෝත්පාද කාලයෙහි බරණැස් නුවර සිටු කුලයක ධර්මපාල නමින් ඉපිද, සත් හැවිරිදි වියෙහි දී ම සරභූ නම් තෙරුන් වහන්සේ සමීපයෙහි පැවිදි ව කර ගෙහි දී ම සිව්පිළිසිඹියා රහත් බවට පත් වූ අයුරු එයින් කියැවෙයි. ග්‍රන්ථාරම්භයෙහි ම දැක්වෙන පරිදි තත් කර්තෘවයාගේ පරමාර්ථය වී ඇත්තේ ‘ධර්මදානයෙහි අනුසසින් ලබන ලද ඓහලෞකික, පාරලෞකික සැපය ඒක දේශයකින් ගෙන හැර දැක්වීම’ (3 පිටුව) ය.

(කර්තෘ: අඟුළුගහ ධම්මින්ද හිමි)

(සංස්කරණය නොකළ)