අක්සාකොෆ්, ඉවාන් සීර්ගෙයවිච් (1823-1886)

සිංහල විශ්වකෝෂය වෙතින්
11:35, 30 මැයි 2023 වන විට පරිපාලක (කතාබහ | දායකත්ව) ('සිර්ගෙයි තිමෆෙයවිච්ගේ බාල පුත්‍ර මොහු රුසියා...' යොදමින් නව පිටුවක් තනන ලදි) විසින් සිදු කර ඇති සංශෝධන

(වෙනස) ← පැරණි සංශෝධනය | වත්මන් සංශෝධනය (වෙනස) | නව සංශෝධනය → (වෙනස)
වෙත පනින්න: සංචලනය, සොයන්න

සිර්ගෙයි තිමෆෙයවිච්ගේ බාල පුත්‍ර මොහු රුසියානු ලේඛකයෙකි. සිය සොහොවුරා හා සමඟ ස්ලාවොෆිලිස්ම් නමැති රුසියානු ජාතික ව්‍යාපාරයට බැඳී, සතිපතා පළ වූ පත්‍රවලින් සිය රටෙහි සමාජ ජීවිතයට සහ දේශපාලන කටයුතුවලට දරුණු විවේචන එල්ල කෙළේ ය. තව ද, තරුණ කල්හි දී - විශේෂයෙන් ම 1840-60 දක්වා වර්ෂවල දී - හෙතෙම කාව්‍ය රචනයෙහි ද යෙදුණේය. රුසියානු සමාජය දියුණු වීම අරභයා ශික්ෂණය සහ කාර්‍ය්‍යශූර භාවය ඇතිවිය යුතු බව ඒ කවිවලින් ප්‍රකාශ කළ හෙතෙමේ පණ්ඩිත ජනයන්ගේ අලසභාවය ද හෙළා දැක්කේය. ඔහුගේ අසම්පූර්ණ කථා කාව්‍යය වන පාදඩයා" ගොවි ජීවිතයේ පවතින අමාරුකම් මැනැවින් විස්තර කෙළෙන්, එය පසුව ආ කිවියනට ආදර්ශයක් විය. මේ අතර ම, හෙතෙම සාහිත්‍යයික ප්‍රශ්න ගැන ද අදහස් පළ කරමින් විවිධ කෘතීන් රචනා කෙළේය. ත්‍යුචෙෆ් නමැති කිවියාගේ චරිත කතාව ඒ අතුරින් උසස් කෘතියයි.

(සංස්කරණය:1963)