අඤ්ජන දේවි

ඝත ජාතකයෙහි සඳහන්වන රජ කුමරියකි. උපසාගර නම් කුමරුගේ හා දෙවගර්භා කුමරියගේ වැඩිමහල් දියණියන් වූ ඇයට සහෝදරයෝ දසදෙනෙක් වූහ. මේ දසබෑයෝ මුළු දඹදිව ජයගෙන එය දසකොටසකට බෙදා රාජ්‍යය කළහ. තම සොහොයුරිය වූ අඤ්ජන දේවියට කොටසක් දීමට අමතක වූ බැවින් මුළු ‍රාජ්‍යය නැවත කොටස් එකොළසකට බෙදීමට ඔවුහු තීරණය කරගත්හ. එවිට සැමට ම බාල අංකුර රජ තමාගේ ‍කොටස අඤ්ජන දේවියට පවරා වෙළඳාමෙහි නියුක්ත විය. පසු කාලයෙහි අංකුර රජු හැර අනිකුත් නවදෙනා අතර ඇති වූ කලහයකින් අටදෙනෙක් ම මිය ගියහ. ඉන් ගැළවුණ වාසුදේව රජ වැද්දකුගේ තෙප් පහරකින් මළේය. අවසන් වශයෙන් අඤ්ජන දේවී පමණක් ඉතිරි වූවාය. මේ කථාව පේතවත්ථු අට්ඨකථාවෙහි ද එයි.

(සංස්කරණය:1963)