අතුරුගිරිය
කොළඹ දිස්ත්‍රික්කයෙහි හේවාගම් කෝරළයේ පල්ලේ පත්තුවට අයත් ගමකි. මේ ගම හා අවට ප්‍රදේශය අතීතයේ දී අතුරුගිරි කෝරළය නමින් හැදින්වුණු බව රාජාවලිය, ලංකාශිලාලේඛන සංග්‍රහය යන ග්‍රන්ථවලින් හෙළි වේ. මුල්ලේරියාවේ දී ප්‍රතිකාලුන්ට විරුද්ධව සටන් කිරීමට සේනා මෙහෙයවූ රාජසිංහ I (ක්‍රි.ව. 1581-1592) රජු අතුරුගිරි කෝරළය, හේවාගම් කෝරළය හා කොරතොට ආරච්චිවරුන් ගෙන්වා ඉලංගම්වල පලිසක්කාරයන් ද්‍රහකුත් දී පස්ස පොරොත්තුවට පැන කොටන්ට යැවූ බව රාජාවලියෙහි සඳහන් වේ. ඔරුවල සන්නසෙහි සිරිසඟබෝ ශ්‍රී පරාක්‍රමබාහු VI (1415-1467) රජුගේ පුරෝහිතයන් වූ ශාණ්ඩිල්‍ය ගෝත්‍රයට අයත් පොතා ඔජ්ඣලුන්ට හා ඔහුගේ බෑනා වූ අවුහළ ඔජ්ඣලුන්ට අතුරුගිරි කෝරළයේ බණගම ඔරුවල යන ග්‍රාමය සේවාදිවෙලට දුන් බව ද ඔහුගෙන් පසු රාජ්‍යශ්‍රීයට පත් කුමරකු අභාවප්‍රාප්ත රජුගේ අවමංගල කෘත්‍යය මැනවින් සිදුකළ අවුහළ ඔජ්ඣලු පුරෝහිතයන් කෙරෙහි පැහැද යථොක්ත ගම සමඟ අතුරුගිරිගම මැද කපුරා කුමාරයාගේ වත්ත ආදි තවත් ගම්බිම් කීපයක් ද ඔහුට ද්‍රනක්ෂේත්‍ර වශයෙන් දුන් බව ද කියැවේ.
(සංස්කරණය:1963)
