අන්නපූර්ණ

නේපාලයේ කඳු ශිඛර තුනක් හා ඒවා පිහිටි කඳු වැටිය මෙනමින් හැඳින්වේ. පළමුවන අන්නපූර්ණ නම් වූ ප්‍රධාන ශිඛරය මුහුදු මට්ටමේ සිට අඩි 26,926ක් උස්ය. ප්‍රථමවරට මෙම ශිඛරය මුදුනට නැඟීමේ ගෞරවය හිමි වී ඇත්තේ මොරිස් භර්ට්සොග්ගේ නායකත්වය යටතේ 1950 ජුනි 3 දින එහි ගිය ප්‍රංස ජාතික ‍ගවේෂක කණ්ඩායමකටය. ප්‍රධාන ශිඛරය තරම් උස් ‍නුවූවත් මිනිසාට පහසුවෙන් යාගත නොහැකි උත්තුංග ශිඛර තවත් කීපයක් ම අන්නපූර්ණ වැටියෙහි ඇත. මේ අතුරෙන් අඩි 24,858ක් උස් වූ තෙවැනි අන්නපූර්ණ ශිඛරයට ඇම්. ඇස්. බෝලි විසින් මෙහෙයවනු ලැබූ ඉන්දියානු ජාතික ගවේෂක කණ්ඩායමක් 1961 මැයි 6 දින නැඟී බව වාර්තා වී ඇත.

(සංස්කරණය:1963)