අභය-2

ක්‍රි.පූ.414–394. වංශකථාදියෙහි සඳහන් පරිදි පඬුවස්දෙව්රජුගේ වැඩිමහලු පුත්‍රයාය. ඒ රජුගේ ඇවෑමෙන් මෙතෙම රාජ්‍යශ්‍රියට පැමිණියේය. උපතිස්ස නුවර මොහුගේ රාජධානිය විය. තම සොහොයුරිය වූ උන්මාදචිත්‍රා කුමරියගේ පුත් පණ්ඩුකාභය කුමරුන් රාජ්‍යය අත්පත් කර ගැනීම සඳහා කළ සටන් හේතුකොටගෙන මොහුගේ රාජ්‍ය සමය සාමයෙන් තොර විය. පණ්ඩුකාභය කුමරුන් සිංහාසනාරූඪ වීමෙන් පසු මොහු අනුරාධපුරයේ නගරගුත්තික පදවියට පත් කරන ලදි. එබැවින් මෙතෙම ලක්දිව ප්‍රථම නගරගුත්තිකයා හැටියට සැලකිය හැකිය. නගරගුත්තික ධුරය වර්තමානයෙහි නගරාධිපති ධුරයට සමාන යයි සලකනු ලැබෙයි.

(සංස්කරණය:1963)