අමිතෝදන
සිංහල විශ්වකෝෂය වෙතින්
සීහහනු රජුගේ සහ භද්දකච්චානා දේවියගේ පුත්‍රයකු වූ මෙතෙම ශුද්ධෝදන රජුගේ සොහොයුරෙකි. මහනාම ශාක්‍යරජුගේ සහ අනුරුද්ධ තෙරණුවන්ගේ පියා වූ හෙතෙම බුදුරජුන්ගේ අග්‍රෝපස්ථායක ආනන්ද හිමියන් ගේ පියා යයි ද කිසි තැනෙක සඳහන් වෙයි. අවදානකල්පලතාපල්ලව ආදී බෞද්ධ සංස්කෘත ග්‍රන්ථයන්හි මොහු හැඳින්වෙනුයේ අමෘතොදන යන නමිනි. එමෙන් ම මෙතෙම දේවදත්ත කුමරුගේ පියා යයි ද එහි දක්නට ලැබේ. මොහුට ශාක්‍යපණ්ඩු යයි තවත් පුත්‍රයකු වූ බවත් සඳහන් වන්නේ ය.
(සංස්කරණය:1963)
