අමේසිස් I
සිංහල විශ්වකෝෂය වෙතින්
(ක්‍රි.පූ.1580-1557). තීබන් නමින් හැඳින්වුණු දහහත්වන මිසර රාජවංශයේ ආදි කර්තෘවරයාය. මෙතෙමේ අහ්මෝස් නමින් ද හැඳින්වේ. මිසරයේ ඊශාන ප්‍රදේශය යටත් කොට ගෙන විසූ හික්සොස් රජවරුන් පරාජය කොට මිසරදේශය විදේශික පාලකයන්ගේ ආධිපත්‍යයෙන් මුදාගත් රජකු හැටියට අමේසිස් ප්‍රසිද්ධය. මිසරයේ ඊශාන දිග පෙදෙසේ පිහිටි අවරිස් ප්‍රදේශයෙන් හික්සොස්වරුන් පලවා හැරීමෙන් පසු පලස්තීනයට නිරිත දිගින් වූ ෂරුහ්න් ප්‍රදේශය ද බලවත් සටනක් කොට මුදා ගන්නා ලද්දේ ඔහු විසිනි. ඉන් පසු කරන ලද තවත් සටනකින් නුබියා ප්‍රදේශය ද අමේසිස්ට යටත් විය. මෙසේ සතුරන්ගෙන් රට මුදා ගැනීමෙන් පසු එහි පාලන ක්‍රමය වෙනස් කළ අමේසිස් රජ සිය මවුබිම යුද්ධ හමුදාව මගින් පාලනය වන රටක් බවට පත් කළේය.
(සංස්කරණය:1963)
