අයඩපෝම්
ඖෂධයක් වශයෙන් භාවිත කරන මෙය කහපාට, ස්ඵටිකරූපී, කාබනික රසායන ද්‍රව්‍යයකි. ඊට ම විශේෂ වූ සුවඳක් ඇති අයඩපෝම් පූතිනාශකයක් වශයෙන් භාවිත වේ. එහි පූතිනාශක ගුණය රඳා පවතින්නේ එය තුවාළවලට දැමූ විට එයින් අයඩීන් ස්වල්පය බැගින් පිට වීම නිසා යැයි සලකනු ලැබේ. මෙකල අයඩපෝම් වැඩි පුර භාවිත නොවේ.
අයඩින් හා ජලීය පොටෑසියම් හයි‍ඩ්රොක්සයිඩ් යන ද්‍රව්‍ය දෙක එතිල් ඇල්කොහොල්, ඇසිටෝන්, ඇසිටැල්ඩිහයිඩ් යන මේවායින් කවර එකක් කෙරෙහි හෝ අයිසො-ප්‍රොපිල් ඇල්කොහොල් කෙරෙහි හෝ CH3-CO-C- යන මේකාණ්ඩය සහිත සංයෝග කෙරෙහි හෝ ප්‍රතික්‍රියා කරවීමෙන් අයඩපෝම් සාදාගත හැකිය. ව්‍යාපාරික වශයෙන් එය පිළියෙල කරනු ලබන්නේ එතිල් ඇල්කොහොල් හෝ ඇසිටෝන් හෝ ඇතුළත් සෝඩියම් කාබනේට් සහ පොටෑසියම් අයඩයිඩ් ද්‍රාවණ මිශ්‍රණයක් විද්‍යුත් විච්ඡේදනය (electolysis) කිරීමෙනි.
අයඩපෝම් හෙවත් ට්‍රයි-අයඩොමෙතේන් සොයා ගන්නා ලද්දේ 1822 දී ජී.ඇස්.සෙරුල්ලාස් විසිනි. එහි සූත්‍රය CHIs වේ. (ක්ලොරොපෝම් බ.) එහි ද්‍රවාංකය සෙ.1190යි. එය ජලයෙහි අද්‍රාව්‍ය, ෂඩස්‍ර ස්ඵටික සාදයි. මද්‍යසාරයෙහිත් ඊතරවලත් පහසුවෙන් දියවෙයි.
(සංස්කරණය:1963)
