අල්ලෙප්පි

(AlIeppey). ඉන්දියාවේ ට්රැවන්කෝර් රාජ්‍යයේ මලබාර වෙරළෙහි පිහිටි නගරයෙකි. කොචින් නගරයට සැතැපුම් 33ක් දකුණින් පිහිටි මෙය කොහු කර්මාන්තය ගැන ප්‍රසිද්ධය. අවට ප්‍රදේශයෙහි ගම්මිරිස්, එන්සාල්, ඉඟුරු, වී සහ පොල් බහුල වශයෙන් වවනු ලැබේ. කුළුබඩු, පොල්, කොප්පරා, පොල්තෙල් සහ කොහුවලින් තනන බඩු නගරයෙන් පිටරට යවන ප්‍රධාන ද්‍රව්‍යය. මෙහි ජනගහනය 1950 දී 116,000ක් පමණ විය. ජනගහනය අතින් ට්රැවන්කෝර්හි තුන්වැනි නගරය වූ මෙය වෙළෙඳාම සහ කර්මාන්ත අතින් ප්‍රමුඛත්වයක් උසුලයි. අල්ලෙප්පි වරායෙහි විශාල නැව්වලට පවා ඉඩකඩ ඇතත් නිරිත දිග මෝසම් සුළං කාලයේ දී (මැයි-සැප්තැම්බර්) ආරක්ෂා සහිත නොවේ.

(සංස්කරණය: 1965)