උඩපල විහාරය
සිංහල විශ්වකෝෂය වෙතින්
විහාර අස්නෙහි සඳහන් වන මෙම විහාරය වයඹ පළාතේ කුරුණෑගල දිස්ත්රික්කයෙහි උඩපලංතොට නමැති කෝරළයේ උඩපල නම් ග්රාමයෙහි පිහිටියේය. ආරම්භය අවිනිශ්චිත මෙම විහාරයට 19 වැනි සියවස මුල දී ශ්රී වික්රම රාජසිංහ රජු විසින් කරන ලද ඉඩම් පූජා කිහිපයක් සඳහන් වන ලියවිලි එහි තිබේ.
ඓරාවතී නම් දේවියක විසින් රෝපණය කරවන ලදැයි කියන පැරැණි බෝධියක් ද සපුමල් බණ්ඩාර දෙවොලක් ද එහි වෙයි. මෑත කාලයෙහි කර වූ චෛත්යයක් ද දක්නට ඇත. නවීන වූ සංඝාරාම, පොත්ගුල්, ධර්ම ශාලා ආදි විහාරාංගයන්ගෙන් ද මේ ස්ථානය ශෝභමාන වේ.
මෙම විහාරස්ථානය සමීපයෙහි උඩපල දේවාලය නමින් ප්රසිද්ධ දොවොලක් ද වෙයි.
(සංස්කරණය: 1970)
