උශනස් (2)
සිංහල විශ්වකෝෂය වෙතින්
නීතිශාස්ත්රය පිළිබඳ ග්රන්ථයක් රචනය කළ ආචාර්ය්යවරයෙකි. කෞටිල්ය අර්ථ ශාස්ත්රයෙහි උශනස්ගේ කෘතිවලින් කරුණු උපුටා දක්වා ඇති බැවින් ඔහු ජීවත්ව සිටියේ ක්රිස්තු පූර්ව තුන්වන සියවසට පෙර කාලයක යයි සැලකිය හැකිය. ඔහුගේ නීතිශාස්ත්රයෙහි රාෂ්ට්ර පාලනය පිළිබඳ උපදෙස්, දණ්ඩනීති ආදිය ඇතුළත් වූ බව කෞටිල්යයන් එයින් උපුටා දක්වන කරුණුවලින් හෙළි වේ. මහාභාරතයේ ශාන්ති, සභා පර්වයන්හි ද ඔහුගේ නීතිශාස්ත්රයෙන් උපුටාගත් ශ්ලෝක කීපයක් දක්නට ලැබේ.
(සංස්කරණය: 1974)
