එබනයිට්

වල්කනයිස් කරන ලද කළුපාට දැඩි රබර් වර්ගයකි. රබර් අධික ලෙස වල්කනයිස් කිරීමෙන් එබනයිට් ලැබේ. ශුද්ධ රබර් සමඟ සියයට 40ක් පමණ සල්පර් ප්‍රමාණයක් මිශ්‍ර කොට ඒ මිශ්‍රණය යන්ත්‍ර මගින් තළනු ලැබේ. ඊට පසු මිශ්‍රණය සෙ. 150°ක පමණ උෂ්ණත්වයක පැය 6 සිට 10 දක්වා කාලයක් තුළ රත් කිරීමේ දී එබනයිට් සෑදේ. විද්‍යුත් ධාරාව සන්නයනය නොකරන බැවින් ද බොහෝ රසායනික ප්‍රතිකාරකයන් කෙරෙහි ප්‍රතිරෝධයක් දක්වන බැවින් ද එබනයිට් ඉතා ප්‍රයෝජනවත් ද්‍රව්‍යයක් ලෙස සලකනු ලැබේ.

(සංස්කරණය: 1974)