එල්මයිරා
ඇමෙරිකාවේ නිව් යෝක් ජනපදයේ නගරයකි. ෂිමං කෝරළයෙහි, ෂිමං ගඟබඩ, රොචෙස්ටර් නගරයට සැතැපුම් 85ක් අග්නි දිගින් පිහිටා තිබේ. වනාන්තරවලින් යුක්ත කඳුවලින් වට වී ඇති මේ නගරය ගඟ දෙපස ම පැතිර තිබේ. ප්රමාණය ව.සැ. හතක් පමණ වේ. මෙය දුම්රිය මධ්යස්ථානයක් ද වේ. ඊරි, ලැකවනා, ලී හයි වැලි, පෙන්සිල්වේනියා යන දුම්රිය මාර්ග ගමනාගමන පහසුකම් සලසයි. යකඩ පාලම්, වෑල්ව්, රෙදිපිළී, කාර්යාලයීය උපකරණ, මෝටර්රථ කොටස්, යන්ත්රෝපකරණ, ටයිප්රයිටර, යුද්ධෝපකරණ ආදිය සෑදීම ප්රධාන කර්මාන්තයෝයි. නිව් යෝක් ස්ටේට් චරිතශෝධනාගාරය සහ එල්මයිරා කාන්තා විද්යාලය ද මෙහි වැදගත් ආයතන අතර වේ. නිව් යෝක් ස්ටේට් චරිතශෝධනාගාරය චරිත ශෝධනය පිළිබඳ නූතන ක්රම ක්රියාවේ යෙදීමේ ලා පුරෝගාමී විය. එම චරිතශෝධන ක්රම ඇමෙරිකාවේ පමණක් නොව විදේශ රටවල ද බලපෑවේය. මාක් ට්වේන් (බ.) නමින් දන්නා ලද සුප්රකට ලේඛකයකු වූ සැමුවල් ලැංහෝන් ක්ලෙමන්ස් උපන්නේත් මියගියේත් මෙම නගරයේ දීය. ජනගහනය (1950) 49,690කි.
(සංස්කරණය: 1974)
