එසකියෙල්
බයිබලයේ පරණ ගිවිසුමේ එසකියෙල් ග්රන්ථය කළ ප්රධාන ගණයේ හේබ්රෙව් අනාගත වක්තෘවරයෙකි. නෙබුකඩ්නෙසර් රජු ජෙරුසලම යටත් කර ගත් පසු ක්රි.පූ. 597 දී එරජු විසින් බැබිලෝනියාවට පිටුවාසල් කරනු ලැබූ මෙතුමා උත්පත්තියෙන් යුදෙව් පූජක පවුලකට අයත් විය. බැබිලෝනියාවට පිටුවාසල් කරනු ලැබීමට කලින් එතුමා ජෙරුසලමෙහි ඉමහත් සේවයක් කළ බව කියනු ලැබේ. යුදෙව්වරුන් වැරදි පැවැත්මෙන් හා මිථ්යා ඇදහිලිවලින් මුදවා යහමඟ යැවීමට එතුමා බෙහෙවින් මහන්සි ගත්තේය. ඔවුන්ගේ වැරදිවලට දඬුවම් වශයෙන් ජෙරුසලම විනාශ වන බවට අනාවැකි පැවසූ එසකියෙල් අවට වූ අම්මන්, මිසර ආදි දේශත් විනාශ වනු ඇතැයි ද ඊශ්රායෙලය දෙවියන්වහන්සේ විසින් යථාතත්වයට පමුණුවනු ලබතැයි ද ආදි අනාවැකි රැසක් පැවසූ බව එසකියෙල් ග්රන්ථයෙහි සදහන්ය.
පශ්චාත් ජුදාගම හැඩගැස්වීමෙහි ලා එසකියෙල් අනාගත වක්තෘවරයාගෙන් හා එතුමාගේ ගෝල පරපුරෙන් විශාල සේවයක් සිදු වූ බව සලකනු ලැබේ.
(සංස්කරණය: 1974)
