ඒ.පී. ද සොයිසා

ඒ.පී. ද සොයිසා

දකුණු පළාතේ බලපිටිය පෙදෙසේ උපන් කෙනෙකි. ගාල්ලේ මහින්ද විද්‍යාලයයෙන් මූලික අධ්‍යාපනය ලැබ කොළඹ ආනන්ද මහා විද්‍යාලයයේ ද වෙස්ලි විද්‍යාලයයේ ද උප ගුරුවරයකු ව සිටියේ ය. මහනුවර ධර්‍මරාජ විද්‍යාලයයේ උප විදුහල්පති ව ද සේවය කෙළේ ය. පසුව එංගලන්තය බලා ගොස් එහි දී ශාස්ත්‍රවේදී ගෞරව උපාධිය ලැබී ය. අධිනීතිඥයෙක් ද විය. මානව විද්‍යාව හදාරා පී.එච්.ඩී. උපාධිය ද දිනා ගත්තේ ය. කේම්බ්‍රිජ් විශ්වවිද්‍යාලයයේ සිංහල පිළිබඳ පරීක්ෂක ධුරය දස වසක් ම ඉසිලී ය. 1935 දී ආපසු ලංකාවට පැමිණි හෙතෙම 1935 සිට 45 දක්වා දකුණු කොළඹ රාජ්‍ය මන්ත්‍රීවරයා වශයෙන් තේරී පත් ව දේශපාලන කටයුතුවල නිරත වූයේ ය. ජීවිතයේ අවසාන කාලයේ දී පොත් රැසක් ලිවුවේ ය. ඔහුගෙන් සිදු වූ ධර්‍මශාස්ත්‍රීය සේවයේ වැදගත් අංශය වූයේ ත්‍රිපිටකය සිංහලයට නඟා පළ කිරීමයි. 78 වසක් ආයු වළඳා 1968 මැයි මස දී මිය ගියේ ය. (කර්තෘ: හපුගොඩ සුමනතිස්ස ස්ථවිර)

(සංස්කරණය නොකළ)