ඔම්ඩර්මාන්

සුඩානයේ විශාලතම නගරයයි. එහි විශාලත්වය ව.සැ. 17ක් පමණ වේ. නිල් නයිල් ගඟ සුදු නයිල් ගඟට එක්වන ස්ථානයට මඳක් උතුරින් කාර්ටූම් නගරයට මුහුණ ලා සුදු නයිල් ගඟේ බටහිර ඉවුරෙහි මෙය පිහිටා ඇත.

වර්තමාන ඔම්ඩර්මාන් නගරය වැදගත් වෙළඳ මධ්‍යස්ථානයකි. හම්, ලාටු වර්ග හා කපු ද්‍රව්‍ය ද ඔටු, බැටළු, ගව ආදි සත්ව වර්ග ද මෙහි ප්‍රධාන වෙළඳ ද්‍රව්‍යය. කාර්ටූම් අගනුවර හා ඔම්ඩර්මාන් පෙදෙස නයිල් ගඟ හරහා ඇති පාලමකින් යාවේ. නගර දෙක අතර දුර සැතපුම් 5ක් පමණය. පාසැල් කීපයක් හා විශාල ආරෝග්‍යශාලාවක් ද ඔම්ඩර්මාන්හි ඇත. නගරයේ ජනගහනය (1964) 167,000කි.

19 වන සියවස අග කොටසේ දී එය මාය මුහම්මද් අහමද්ගේ අගනුවරව පැවැත්තේය.

(සංස්කරණය: 1974)