කෝර්ඩෙල් හල්
(Cordell Hull) (1871.10.02-1955.07.23). ඇමරිකානු ජාතික දේශපාලඥයකු වූ මොහු ෆ්‍රැන්කලින් ඩී. රූස්වෙල්ගේ පාලන සමයෙහි (1933-1944) ඇමරිකාවේ රාජ්‍ය ලේකම් ධුරය හෙබ වූ දීර්ඝතම කාලයක් එම පදවිය දැරූ තැනැත්තා ය.
කම්බර්ලන්ඩ් නීතී විද්‍යාලයේ දී නීතී උපාධි ලැබූ කෝරඩෙල් හල් නීති සම්පාදකයෙකු වශයෙන් දීර්ඝ කාලයක් සේවය කළේ ය. ඇමරිකාවේ තීරුබදු හා බදු පිළිබඳ ප්‍රශ්නවල දී හෙතෙම විශාරදයෙකු ලෙස සලකනු ලැබී ය. 1913 දී ප්‍රථම ආදායම් බදු නීතීය සම්පාදනය කරන ලද්දේ ඔහු විසිනි. 1916 දී ජාතික ප්‍රවේණි නීතිය ද (National Inheritance Law) ඔහු සම්පාදනය කළේ ය. ඔහු ඉතාමත් සුළු තීරුබදු ක්‍රමයක් බලාපොරෙත්තු විය. එ් පිළිබඳ ව ඔහු බලවත් සේ සටන් කළේ ජාතීන් අතර ආර්ථික සහයෝගයක් ඇතිවීම ලෝක සාමයේ පදනම ලෙස සැළකූ හෙයිනි.
එක්සත් ජනපදයේ ඩිමොක්‍රටික් පාක්ෂිකයකු වූ හල් වසර දෙකක පමණ කාලයක් (1931-1933) එක්සත් ජනපද ටෙනසි ප්‍රාන්තය වෙනුවෙන් සෙනෙට් සභාවේ සේවය කළේ ය. තවද ඔහු නියෝජිත මන්ත්‍රී මණ්ඩලයේ වසර 22ක් ටෙනසි ප්‍රාන්තය නියෝජනය කළේ ය. 1933 දී ෆ්‍රැන්ක්ලින් ඩී. රූස්බලට් විසින් රාජ්‍ය ලේකම් ධූරයට පත් කරනු ලැබූ අතර 1933 දී විශ්‍රාම ගන්නා තුරු ම ඔහු එම ධුරයෙහි කටයුතු කළේ ය.
එක්සත් ජනපදයේ රාජ්‍ය ලේකම් වරයා වශයෙන් සාමය සම්බන්ධයෙන් ඔහු දැක්වූ උද්‍යෝගය නිසා 1945 නොබොල් සාම ත්‍යාගය ද ලැබිණ. අසූ තෙවැනි වියෙහි දී වොෂින්ටන් ඩී. සී. හි දී මිය ගිය කෝරඩෙල්ගේ දේහය වොෂින්ටන්හි ජාතික කැතඩ්‍රලයෙහි (Washington National Cathedral) මිහිදන් කෙරිණ.
(සංස්කරණය නොකළ)
