ටා භාෂා

(Taa Languages). දකුණු අප්‍රිකාවේ සහ බොත්ස්වානාවේ භාවිත වන කුඩා භාෂා පවුලකි. මෙම භාෂා ව්‍යවහාර කරන්නන්ගේ සංඛ්‍යාව 4,200ක් පමණ ය. මෙය ටා (Taa) සහ ක්වි (Kwi) නම් භාෂා පොකුරු දෙකකට බෙදා දැක්වේ. ටා භාෂා පවුලේ සූ (Xoo) සහ නොසොබ් (Nossob) නම් භාෂා දෙක ද ක්වි (Kwi) භාෂා පවුලේ න්ලූ (Nluu), සෑම් (Xam), උන්ග්ක්වේ (Ungkue), සෙග්වි (Xegwi) නම් භාෂා ද අන්තර්ගත ය. මේවායින් දැනට ව්‍යවහාර වන්නේ සූ භාෂාව සහ න්ලූ භාෂාව පමණි. අනෙක් භාෂා අභාවයට ගොස් ඇත. න්ලූ බස ද අභාවයට යමින් පවතියි. 2008 යුනෙස්කෝ වාර්තාවලට අනුව න්ලූ බස කතා කරන්නේ 8ත් 12ත් අතර වැඩිහිටි පිරිසක් පමණි. සූ භාෂාව 4,200ක පමණ ජනතාවක් භාවිත කරති.

(කර්තෘ: ආර්.පී.අයි.එල්. පියරත්න)

(සංස්කරණය: 2019)