ඩී
(Dee River). බ්‍රිතාන්‍යයේ සහ අයර්ලන්තයේ ගංගා පහකට ම දී ඇති නමකි. වේල්සයේ ඩී ගඟ, බාලා විලෙන් ආරම්භ වී ක්ලෝයිඩ් ප්‍රදේශය හරහා ගලා ගොස් වේල්සය හා එංගලන්තය අතර මායිම වශයෙන් පවතී. එය වෙෂයර් ඔස්සේ ගලා ගොස් අයිරිෂ් මුහුදට එකතු වෙයි.
ඩී යන නමින් යුත් ගංගා දෙකක් ස්කෝට්ලන්තයේ ද ඇත. ස්කෝට්ලන්තයේ ග්රැම්පියන් කඳු ආශ්‍රිත ප්‍රදේශයේ ගලන ඩී ගඟ කෙයාන් ගෝට් කඳුවලින් ආරම්භ වී ඇබර්ඩීන් ප්‍රදේශයට අවශ්‍ය විලංසෙන් වැසි කොටසක් සපයයි. එහි පහළ නිම්නය ‘ඩීසටිඩ්’ යනුවෙන් හැඳින්වේ. එම ගඟ කි.මී. 145ක් පමණ දිග ය.
ස්කෝට්ලන්තයේ ඇති ඩී ගංගා දෙකින් වඩා කෙටි ගඟ ඩම්ෆරයිස් සහ ගැලොවේ ප්‍රදේශයේ ලොක් ඩී වලින් ආරම්භ වී දකුණට ගලා සොල්වේ ෆරත්වලින් මුහුදට වැටේ. එය කි.මී. 80 ක් දිග ය. එංගලන්තයේ ඩී ගඟ ලවුන් කවුන්ට්ගේ ඔස්සේ ගලා ඩන්ඩෝක් බොක්කෙන් මුහුදට වැටේ.
(කර්තෘ: එස්මි ජී. ද සිල්වා: 2004)
(සංස්කරණය නොකළ)
