දශමහාදෝෂ

සිංහල කාව්‍ය කරණයෙහිලා වැදගන්නට ඉඩදීමෙන් අනිෂ්ට ඵල ගෙන දෙන මහා දෝෂ දසයක් පෙන්නා ලීමට කළ ග්‍රන්ථයකි. එබැවින් එය දසමහාදොෂය නමින් හඳුන්වා තිබේ. ආධුනික කවීන් බෝවීමත් ඔවුන්ගේ කාව්‍යයන්හි කාව්‍යදොෂ වැදගෙන තිබෙනු පෙනීයාමත් නිසා කවීන්ගේත් කාව්‍යයන්ගේත් දියුණුව පැතීම මේ ග්‍රන්ථය කිරීමට හේතුව වන්නට ඇති. බී.ඩී.ඇස්. විජයරත්න මහතා කතෘ ය. හේ පාලි පඬිවරයකු හැටියට 19 සියවසෙහි පතළව වැඩ සිටි අඹගහපිටියේ විමලසාරතිස්ස මහානායක හිමියන්ගේ ශිෂ්‍යයකු ද 'සත් සිළුමිණ', 'සත්‍ය ප්‍රදීපය', 'පරොපකාරය' යන පත් සඟරාවන්හි සහ 'ගොන්කැවිටි අස්න', 'විමල්සරවත' යන කාව්‍යයන්හි කර්‍තෘ ද වේ. දොෂ රහිතව කාව්‍යකරණය උචශ්‍රභණාභිලාෂීන්ට ප්‍රයෝජනවත් මේ ග්‍රන්ථය මෙකල දුර්ලභ ය.

(කර්තෘ: උස්ගොඩ ධම්මගරු හිමි)

(සංස්කරණය නොකළ)